Бир йилдан сўнг яна «Вест Бромвич» Премьер-лигадан тушиб кетди.
Англия чемпионатининг 35-турида «Вест Бромвич Албион» Лондоннинг «Арсенал» жамоасига 1:3 ҳисобида имкониятни бой берди ва АПЛнинг кейинги мавсумида иштирок этмайдиган бўлди.
Сем Эллардайс бошчилигидаги жамоа ушбу мавсумдаги 35 турдан сўнг 26 очкога эга. Мавсум тугашига уч тур қолганида «қоралар» 17-ўриндаги «Бёрнли»дан 10 очко ортда қолмоқда ва бу «Бёрнли»га Премьер-лигада қолишга имкон беради.
Энди, мавсумнинг сўнгги 3та турида фақат ғалабага эришса ҳам «Вест Бром» Англия Премьер-лигасидаги ўрнини сақлаб қола олмайди. «Вест Бром» Англия футболи элитасига қайтганидан кейин бир мавсум ўтиб яна қуйи лигага тушиб кетди.
Сем Эллардайс жамоаси лигадан расман тушиб кетган иккинчи жамоага айланди. 18-апрель куни 32-тур учрашувидан сўнг, «Шеффилд Юнайтед» ҳам кейинги мавсумда Премьер-лигада иштирок этиш учун барча имкониятларни йўқотган эди.
