«Manchester Yunayted» bosh murabbiyi Ole-Gunnar Sulsher APLning 35-turidan o‘rin olgan «Aston Villa» (3:1) bilan o‘yindan keyin o‘z fikrlari bilan o‘rtoqlashdi.

«Juda xursandman. Italiyadan juma kuni ertalab qaytgandik. Tig‘iz taqvimda o‘ynash qiyin.

Tanaffus paytida o‘yindagi vaziyatga juda yaxshi munosabatda bo‘ldik. Birinchi bo‘limda ham raqibdan yaxshiroq harakat qilgandik, ammo gol ura olmagandik. Raqib chiroyli to‘p kiritdi. 

«Manchester Siti»ning chempionligini keyinga qoldirganimiz ajoyib bo‘ldi. Uyga qaytayotganimizda chempionlikni nishonlayotgan «Siti» muxlislari bilan to‘qnash kelmasligimiz yaxshi. Imkon qadar oxirigacha kurashishga harakat qilamiz», – deya Sulsherning so‘zlarini keltiradi Sky Sports.