«Liverpul» hujumchisi Sadio Mane joriy yilgi mavsumni faoliyatidagi eng yomoni deb hisoblashini aytib o‘tdi.

«Bu yilgi mavsum faoliyatimdagi eng yomoni. Buni tan olishim kerak. Muammo nimada deb so‘rasangiz ham, harchand urinmay javob bera olmasam kerak. Chunki, o‘zim ham bilmayman. Shunga qaramay, har qanday vaziyatda ham yaxshi kayfiyatni saqlab qoladigan insonman.

Ochig‘ini aytsam, gohida o‘z kuchimga shubha bilan qaray boshlayman. Jismoniy holatimni aniqlash uchun hattoki testlar ham topshirgandim. Ammo testda barchasi joyida ekani ko‘rindi. Hayotda har bir inson uchun past balandliklar uchrab turadi. Ko‘proq mehnat qilish evaziga bu qiyinchiliklarni ortda qolishiga umid qilaman», - deya Manening so‘zlarini keltirmoqda Canal+.

Ma’lumot uchun, «Liverpul»ning senegallik 29 yoshli futbolchisi APL joriy mavsumida 31 o‘yinda 9ta golga mualliflik qilgan. Taqqoslash uchun, bu Manening so‘nggi 6 mavsumdan buyon Premyer-ligadagi eng past ko‘rsatkichi sanaladi.