«Ливерпуль» ҳужумчиси Садио Мане жорий йилги мавсумни фаолиятидаги энг ёмони деб ҳисоблашини айтиб ўтди.

«Бу йилги мавсум фаолиятимдаги энг ёмони. Буни тан олишим керак. Муаммо нимада деб сўрасангиз ҳам, ҳарчанд уринмай жавоб бера олмасам керак. Чунки, ўзим ҳам билмайман. Шунга қарамай, ҳар қандай вазиятда ҳам яхши кайфиятни сақлаб қоладиган инсонман.

Очиғини айтсам, гоҳида ўз кучимга шубҳа билан қарай бошлайман. Жисмоний ҳолатимни аниқлаш учун ҳаттоки тестлар ҳам топширгандим. Аммо тестда барчаси жойида экани кўринди. Ҳаётда ҳар бир инсон учун паст баландликлар учраб туради. Кўпроқ меҳнат қилиш эвазига бу қийинчиликларни ортда қолишига умид қиламан», - дея Маненинг сўзларини келтирмоқда Canal+.

Маълумот учун, «Ливерпуль»нинг сенегаллик 29 ёшли футболчиси АПЛ жорий мавсумида 31 ўйинда 9та голга муаллифлик қилган. Таққослаш учун, бу Маненинг сўнгги 6 мавсумдан буён Премьер-лигадаги энг паст кўрсаткичи саналади.