Angliya Premyer-ligasi 36-turi doirasida «MYU» o‘z maydonida «Lester»ga qarshi maydonga tushdi.
Uchrashuvda hisob mehmonlar vakili Tomas tomonidan ochilgan bo‘lsa, besh daqiqa o‘tib Grinvud farqni yo‘qqa chiqardi – 1:1.
66-daqiqada esa Suyunju «Lester»ga g‘alaba keltirgan gol muallifiga aylandi – 1:2.
Natijada, «MYU» 70 ochko bilan 2-o‘rinda qolgan bo‘lsa, «Lester» 66 ochko bilan 3-o‘ringa ko‘tarildi. «Yunayted»ning mag‘lubiyatidan keyin Sulsher jamoasi peshqadamga yeta olmasligi amalda ma’lum bo‘ldi va «Manchester Siti» jamoasi uch tur avval rasman Angliya chempioniga aylandi.
APL. 36-tur
Manchester Yunayted – Lester 1:2
Gollar: 0:1 – 10 Tomas, 1:1 – 15 Grinvud, 1:2 – 66 Suyunju
Manchester Yunayted – De Xea, Tuanzebe, Bayi, Uilyams, Telles, Mata, Matich, van de Bek, Elanga (Reshford, 66), Grinvud (Kavani, 66), Diallo (Brunu Fernandesh, 78).
Lester – Shmeyxel, Kastan, Fofana, Sunchju, Tomas, Ndidi, Tilemans, Olbrayton, Peres (Meddison, 65), Vardi (Chouduri, 80), Iheanacho.
