«Dinamo» bosh murabbiyi Hakim Fuzaylov «Sho‘rtan»ga qarshi o‘yindan keyin o‘z fikrlarini bildirdi.

«Bu yerda oson o‘yinlar bo‘lmaydi, raqib zaxira o‘yinchilari kam bo‘lishiga qaramay, yaxshi o‘ynadi. Ularning safida aqlli futbolchilar o‘ynadi. «Sho‘rtan» shunday holatda ham «Neftchi»ni yengib, Superliga vakili «Qizilqum»ga minimal hisobda yutqazdi.

Har 4-5 kunda o‘ynayotganimiz uchun rotasiya qilyapmiz. Yoshlar jamoasidan kelgan futbolchilar yaxshi harakat qilishyapti. Jamoada muhit yaxshi, doimiy muloqotdamiz, lekin rahbariyat bilan anchadan buyon ko‘rishganim yo‘q.

Bizda darvoza, qanotlar va hujumda muammo bor. Asosiy posbon jarohat olgan, oldinda esa faqat Usmonov o‘ynamoqda. Uning o‘yinida muammo yo‘q, lekin markaziy hujumchi gol urishi kerak, buni o‘ziga ham aytdim. Yana bir hujumchi Alimov esa ortiqcha vazn bilan o‘ynamoqda. Agar u tez orada o‘zini tartibga keltirib olmasa, jarimaga tortiladi», deydi murabbiy.