«Динамо» бош мураббийи Ҳаким Фузайлов «Шўртан»га қарши ўйиндан кейин ўз фикрларини билдирди.

«Бу ерда осон ўйинлар бўлмайди, рақиб захира ўйинчилари кам бўлишига қарамай, яхши ўйнади. Уларнинг сафида ақлли футболчилар ўйнади. «Шўртан» шундай ҳолатда ҳам «Нефтчи»ни енгиб, Суперлига вакили «Қизилқум»га минимал ҳисобда ютқазди.

Ҳар 4-5 кунда ўйнаётганимиз учун ротация қиляпмиз. Ёшлар жамоасидан келган футболчилар яхши ҳаракат қилишяпти. Жамоада муҳит яхши, доимий мулоқотдамиз, лекин раҳбарият билан анчадан буён кўришганим йўқ.

Бизда дарвоза, қанотлар ва ҳужумда муаммо бор. Асосий посбон жароҳат олган, олдинда эса фақат Усмонов ўйнамоқда. Унинг ўйинида муаммо йўқ, лекин марказий ҳужумчи гол уриши керак, буни ўзига ҳам айтдим. Яна бир ҳужумчи Алимов эса ортиқча вазн билан ўйнамоқда. Агар у тез орада ўзини тартибга келтириб олмаса, жаримага тортилади», дейди мураббий.