UEFA prezidenti Aleksandr Cheferin «Manchester Siti» va «Chelsi» o‘rtasidagi Chempionlar Ligasi finalining Istanbuldan «Portu»ga ko‘chirilishi haqida gapirdi.
«Biz so‘nggi yilni hech qachon takrorlamasligimizga umid qilamiz. 12 oydan ko‘proq vaqt davomida muxlislar o‘z jamoalarini jonli ravishda ko‘ra olmaslikdan aziyat chekishdi va Chempionlar Ligasi finaliga chiqish klub futbolining eng yuqori cho‘qqisi hisoblanadi.
Biz muxlislarni Chempionlar Ligasi finalini ko‘rish imkoniyatidan mahrum qila olmadik. O‘z navbatida, bunga yechim topa olganimizdan xursandman.
Muxlislar og‘ir o‘tgan 1 yilga chidash berganliklaridan so‘ng, mavsumning eng katta o‘yinida o‘z jamoalarini jonli tomosha qilish imkoniyatiga ega bo‘lmaslik noto‘g‘ri bo‘ladi.
Biz yana portugaliyalik do‘stlarimizga murojaat qilib, UEFA va Chempionlar Ligasida yordam berishlarini so‘radik.
Har doimgidek, murakkab vaziyatda o‘yinni o‘tkazishga rozi bo‘lganligi uchun Portugaliya futbol federasiyasi va mahalliy hokimiyatdan juda minnatdorman», - deya Cheferinning so‘zlarini keltiradi UEFA rasmiy sayti.
Oldinroq, epidemiologik vaziyat yomonlashayotgani bois Final amaldagi mezbon hududdan boshqa joyga, xususan, London yoki Portuga ko‘chirilishi haqida bir qancha xabarlar tarqalgan edi.
Eslatib o‘tamiz, Portudagi Chempionlar Ligasi finalida «Manchester Siti» va«Chelsi»jamoalaridan jami 6 ming muxlisi ishtirok etishi mumkin. O‘yin 29 may kuni bo‘lib o‘tadi.
