"Real" Madrid klubi bosh murabbiyi Zinedin Zidan joriy mavsum yakunlangach iste’foga chiqariladi. Bu haqda Daily Mail nashri xabar tarqatmoqda.

Yuqoridagi manbaga ko‘ra, bir necha oydan buyon klub prezidenti Florentino Peres tomonidan fransiyalik mutaxassisga nisbatan hech qanday qo‘llab-quvvatlash bo‘lmayapti. Hatto klub direktorlar kengashi ham Zidanni jamoada olib qolishga ko‘ndirishi juda qiyin bo‘lishi aytilmoqda.

Zidan “Real”ni ilk bor 2016-2018 yillarda boshqargan. Ma’lum muddatli tanaffusdan so‘ng 2019 yilda u yana jamoaga qaytdi.

“Real” 35 turdan so‘ng La Liga musobaqa jadvalida “Atletiko” hamda “Barselona”dan so‘ng 3-o‘rinda bormoqda. Madridliklar bugun safarda “Granada” mehmoni bo‘ladi.