«Yuventus» sport direktori Fabio Paratichi klub futbolchilaridan jahon futbolidagi moliyaviy muammolar fonida maoshlarining bir qismidan voz kechishlarini so‘ramoqchimisiz, degan savolga javob berdi.
"Futbol olami moliyaviy inqiroz paytida ushbu holatlarga e’tibor qaratishi kerak. Biz muntazam ravishda barcha ish haqlarini to‘layapmiz va bundan faxrlanamiz ham.
Bizda jamoaviy kelishuv jarayoni mavjud emas, biz mavsum oxirida futbolchilar bilan alohida gaplashamiz, nimadir qilish kerakligini ko‘rib olamiz", deydi Paratichi.
«Yuventus» A Seriya turnir jadvalida to‘rtinchi o‘rinni egallab turibdi, ammo jamoa kelasi mavsumda Chempionlar Ligasida o‘ynash huquqini hali qo‘lga kiritmagan.
