«Ювентус» спорт директори Фабио Паратичи клуб футболчиларидан жаҳон футболидаги молиявий муаммолар фонида маошларининг бир қисмидан воз кечишларини сўрамоқчимисиз, деган саволга жавоб берди.
"Футбол олами молиявий инқироз пайтида ушбу ҳолатларга эътибор қаратиши керак. Биз мунтазам равишда барча иш ҳақларини тўлаяпмиз ва бундан фахрланамиз ҳам.
Бизда жамоавий келишув жараёни мавжуд эмас, биз мавсум охирида футболчилар билан алоҳида гаплашамиз, нимадир қилиш кераклигини кўриб оламиз", дейди Паратичи.
«Ювентус» А Серия турнир жадвалида тўртинчи ўринни эгаллаб турибди, аммо жамоа келаси мавсумда Чемпионлар Лигасида ўйнаш ҳуқуқини ҳали қўлга киритмаган.
