Yurgen Klopp jamoasi mo‘’jizaviy tarzda Alisson tufayli Chempionlar Ligasiga yo‘l olish uchun imkoniyatlarini saqlab qoldi.

«Liverpul» darvozaboni yakunda «Vest Brom» darvozasiga gol urdi. Braziliyalik futbolchi faoliyatidagi muhim voqea haqida fikr bildirdi.

«Men shunchaki jarima maydonchasida yaxshi joy topmoqchi edim, himoyachini surib yuborishga harakat qildim, lekin hech kim meni yopmadi. Ba’zan bunday narsalarni tushuntirish qiyin.

Siz hayotdagi ba’zi narsalarni tushuntirib berolmaysiz. Buning yagona sababi - Xudo. U bugun qo‘lini boshimga qo‘ydi. U menga yordam berdi, o‘zimni baxtli his qilyapman”, - deb xulosa qildi darvozabon.