«Spartak» hazil tariqasida «Yuventus» hujumchisi Krishtianu Ronalduni o‘z jamoasiga taklif qildi.

«Qizil-oqlar» Ronalduning «Yuventus»ni tark etishni niyat qilgani, agar mavsum oxirida Turin klubi Chempionlar Ligasiga chiqa olmasa, unda ushbu orzuni amalga oshirish uchun juda yaxshi imkoniyat borligini tvitter orqali yozishgan.

A Seriya yakunlanishiga bir tur qolganida, "Yuve" 75 ochko bilan beshinchi o‘rinda bormoqda. To‘rtinchi o‘rinni egallab turgan «Milan»da ham shuncha ochko bor.

«Napoli» 76 ochko bilan uchinchi o‘rinda bormoqda. So‘nggi turda ushbu 3 ta jamoa Chempionlar Ligasiga 2ta yo‘llanma uchun kurash olib boradi.

«Spartak» esa RPLda ikkinchi o‘rinni egalladi va Chempionlar Ligasi saralashida ishtirok etish huquqini qo‘lga kiritdi, shundan so‘ng u Ronalduga tvitterida Moskvada o‘ynashi mumkinligiga ishora qildi. «Salom, Krishtianu», - deya tvit qoldiradi klub rasmiy akkaunti.