«Спартак» ҳазил тариқасида «Ювентус» ҳужумчиси Криштиану Роналдуни ўз жамоасига таклиф қилди.

«Қизил-оқлар» Роналдунинг «Ювентус»ни тарк этишни ният қилгани, агар мавсум охирида Турин клуби Чемпионлар Лигасига чиқа олмаса, унда ушбу орзуни амалга ошириш учун жуда яхши имконият борлигини твиттер орқали ёзишган.

А Серия якунланишига бир тур қолганида, "Юве" 75 очко билан бешинчи ўринда бормоқда. Тўртинчи ўринни эгаллаб турган «Милан»да ҳам шунча очко бор.

«Наполи» 76 очко билан учинчи ўринда бормоқда. Сўнгги турда ушбу 3 та жамоа Чемпионлар Лигасига 2та йўлланма учун кураш олиб боради.

«Спартак» эса РПЛда иккинчи ўринни эгаллади ва Чемпионлар Лигаси саралашида иштирок этиш ҳуқуқини қўлга киритди, шундан сўнг у Роналдуга твиттерида Москвада ўйнаши мумкинлигига ишора қилди. «Салом, Криштиану», - дея твит қолдиради клуб расмий аккаунти.