«Barselona» hujumchisi Lionel Messining otasi Xorxe Messi klub rahbariyati bilan muzokaralarni davom ettirmoqda.
U o‘g‘lining taqdirini imkon qadar tezroq hal qilish niyatida. Ushbu muzokaralarda klub prezidenti Joan Laporta ham ishtirok etadi.
Onda Cero xabariga ko‘ra, tomonlar argentinalik hujumchining kelajagi borasida kelisha olmayaptilar. «Barcelona» bu borada o‘z taklifini aniq bayon qila olmaydi, garchi Messining shartnomasi shu yilning 30 iyunida tugasa ham.
Biroq Xorxe Messi o‘g‘lini nima qilib bo‘lsa ham klubda olib qolmoqchi. Rahbariyatning Leodan nima talab qilayotgani yaqin orada ma’lum bo‘ladi.
Eslatib o‘tamiz, Messini o‘z safiga qo‘shib olish uchun PSJ va «Manchester Siti» harakat qilmoqda.
