«Барселона» ҳужумчиси Лионель Мессининг отаси Хорхе Месси клуб раҳбарияти билан музокараларни давом эттирмоқда.

У ўғлининг тақдирини имкон қадар тезроқ ҳал қилиш ниятида. Ушбу музокараларда клуб президенти Жоан Лапорта ҳам иштирок этади.

Onda Cero хабарига кўра, томонлар аргентиналик ҳужумчининг келажаги борасида келиша олмаяптилар. «Барcелона» бу борада ўз таклифини аниқ баён қила олмайди, гарчи Мессининг шартномаси шу йилнинг 30 июнида тугаса ҳам.

Бироқ Хорхе Месси ўғлини нима қилиб бўлса ҳам клубда олиб қолмоқчи. Раҳбариятнинг Леодан нима талаб қилаётгани яқин орада маълум бўлади. 

Эслатиб ўтамиз, Мессини ўз сафига қўшиб олиш учун ПСЖ ва «Манчестер Сити» ҳаракат қилмоқда.