«Bavariya» hujumchisi Robert Levandovskining PSJ ga o‘tish niyati yo‘q.

Bu haqda uning sobiq agenti Sezariy Kuxarski ma’lum qildi. Uning ta’kidlashicha, bir necha yil oldin polshalik hujumchining rafiqasi Fransiya poytaxtiga ko‘chib o‘tishga qat’iy qarshi bo‘lgan.

«Bir narsa aniq: Levandovskining rafiqasi uchun Parijga ko‘chib o‘tish har doim ham qabul qilib bo‘lmaydigan taklif.

Ilgari PSJ bilan Robert haqida bir necha bor aloqada bo‘lganman, ammo u hech qachon bunga jiddiy munosabatda bo‘lmagan. Uning uchun Parijning eshigi yopiq», - dedi Kuxarski.