"Bunyodkor" — "Navbahor" o‘yinidan keyingi matbuot anjumanida dastlab Viktor Jalilov jurnalistlar savollariga javob berdi.

"Har ikki jamoa uchun qiyin o‘yin bo‘ldi. O‘ylashimcha, bugun qaysidir jamoa g‘alaba qozonganda raqibiga alamli mag‘lubiyat bo‘lardi. Bugun darvozabonimiz ajoyib o‘yin ko‘rsatdi. Bizda ham, raqibda ham ko‘plab imkoniyatlar bo‘ldi. Lekin ulardan foydalana olmadik.

Bugun himoya va hujum o‘rtasida balans topilmadi. Barcha futbolchilarning tayyorgarligi bir xilda emas. Shu jumladan, Bahrom Abdurahimovda ham.

— Ivan katta mahoratga ega futbolchi. Balki har doim ham o‘yini qovushmas, lekin aytganlarimizni to‘g‘ri bajaradi. Panshanbe haqida ham xuddi shu fikrni bildirishim mumkin. Ular asosiy tarkibda o‘ynashyaptimi, demak ular shunga loyiq. Putinchanin oilaviy sabablar tufayli o‘zaro kelishuvga ko‘ra shartnomani bekor qildi. Ikkinchi davrada uning o‘rniga boshqa o‘yinchi xarid qilishga harakat qilamiz", — deya fikrlarini yakunladi Viktor Jalilov.