«Atletiko» «Osasuna» (2:1) bilan bo‘lgan bahsning so‘nggi daqiqalarida gol urib, g‘alabani ilib ketdi. Hal qiluvchi gol muallifi Luis Suares bo‘ldi. Shu tariqa urugvaylik futbolchi joriy mavsumda 10 marta hal qiluvchi gol muallifiga aylandi.

Bundan oldin Luisning gollari tufayli «Atletiko» «Selta» (2:0), «Elche» (3:1), «Xetafe» (1:0), «Alaves» (2:1), «Eybar» (2:1), «Valensiya» (3:1), «Kadis» (4:2), «Atletik» (2:1) va «Alaves»ga (1:0) qarshi uchrashuvlarda g‘alabani ilib ketgandi.

Ana shu 10ta golning uchtasini Suares 85-daqiqadan keyin urgan. Uchta vaziyatda esa penaltini aniq amalga oshirgan.