«Атлетико» «Осасуна» (2:1) билан бўлган баҳснинг сўнгги дақиқаларида гол уриб, ғалабани илиб кетди. Ҳал қилувчи гол муаллифи Луис Суарес бўлди. Шу тариқа уругвайлик футболчи жорий мавсумда 10 марта ҳал қилувчи гол муаллифига айланди.

Бундан олдин Луиснинг голлари туфайли «Атлетико» «Сельта» (2:0), «Эльче» (3:1), «Хетафе» (1:0), «Алавес» (2:1), «Эйбар» (2:1), «Валенсия» (3:1), «Кадис» (4:2), «Атлетик» (2:1) ва «Алавес»га (1:0) қарши учрашувларда ғалабани илиб кетганди.

Ана шу 10та голнинг учтасини Суарес 85-дақиқадан кейин урган. Учта вазиятда эса пенальтини аниқ амалга оширган.