Jamoa YECHL yo‘llanmasi uchun imkoniyatlarini saqlab qoldi.
Angliya Premyer-Ligasi 37-turi doirasida «Byornli» va «Liverpul» jamoalari o‘zaro bahs olib borishdi. «Terf Mur» o‘yingohida kechgan o‘yin, mehmonlarning yirik — 3:0 hisobidagi g‘alabasi bilan yakun topdi.
«Liverpul»ga g‘alaba keltirgan gollarga 43-daqiqada Roberto Firmino, 52-daqiqada Nataniyel Filipps va 88-daqiqada Aleks Oksleyd-CHemberlen mualliflik qilishdi.
Shu tariqa, bugun qayd etilgan natijadan so‘ng, «Liverpul» 66 ochko jamg‘argan holda, turnir jadvalida 4-o‘ringa ko‘tarilib olishga muvaffaq bo‘ldi.
«Byornli» – «Liverpul» 0:3 (0:1, 0:2) «Terf Mur»
Gollar: 0:1 – 43 Firmino, 0:2 – 52 Fillips, 0:3 – 88 Oksleyd-CHemberlen.
«Byornli» – Norris, Teylor, Tarkovski, Louton, Mi, Vestvud, Braunxill, Gudmundsson, Kork (Vidra, 76), Maknil, Vud.
«Liverpul» – Alisson, Fillips, Uilyams, Aleksander-Arnold, Robertson, Tiago Alkantara, Fabinyo, Mane (Simikas, 90), Veynaldum (Milner, 87), Salax, Firmino (Oksleyd-CHemberlen, 81).