«Manchester Siti» himoyachisi Ruben Diash futbol jurnalistlari assosiasiyasi (FWA) talqiniga ko‘ra, Angliyada mavsumning eng yaxshi futbolchisi deb topildi.
Portugaliyalik himoyachi ovoz berish jarayonida «Tottenhem» forvardi Harri Keyn va «Manchester Siti» yarimhimoyachisi Kevin De Bryuyneni ortda qoldirdi.
Qayd etish joiz, Angliyada so‘nggi marta 1989 yilda himoya chizig‘ida to‘p surgan o‘yinchi eng yaxshi deb topilgan. O‘shanda «Liverpul» a’zosi Stiv Nikol tengsiz deb topilgan.
Ma’lumot uchun, 24 yoshli Diash 2020 yilning sentyabr oyida «Benfika»dan «Manchester Siti»ga o‘tgandi. U joriy mavsumda 31 o‘yinda bitta golga mualliflik qilib, APL chempioniga aylandi.