«Манчестер Сити» ҳимоячиси Рубен Диаш футбол журналистлари ассоциацияси (FWA) талқинига кўра, Англияда мавсумнинг энг яхши футболчиси деб топилди.
Португалиялик ҳимоячи овоз бериш жараёнида «Тоттенҳэм» форварди Ҳарри Кейн ва «Манчестер Сити» яримҳимоячиси Кевин Де Брюйнени ортда қолдирди.
Қайд этиш жоиз, Англияда сўнгги марта 1989 йилда ҳимоя чизиғида тўп сурган ўйинчи энг яхши деб топилган. Ўшанда «Ливерпуль» аъзоси Стив Никол тенгсиз деб топилган.
Маълумот учун, 24 ёшли Диаш 2020 йилнинг сентябрь ойида «Бенфика»дан «Манчестер Сити»га ўтганди. У жорий мавсумда 31 ўйинда битта голга муаллифлик қилиб, АПЛ чемпионига айланди.
