«Yuventus» bosh murabbiyi Andrea Pirloning kelajagi mavhumligicha qolmoqda.
Turin klubi rahbariyati italiyalik murabbiyning jamoada qolishi yoki ketishi haqida dushanba kuni qaror qabul qiladi. «Yuventus»da Pirloga yana bir mavsum ishonch bildirish fikri ham yo‘q emas, ammo mutaxassisning klubdagi kelajagi so‘roq ostida turibdi.
Italiya kubogi finalida zafar quchganidan keyin Pirlo «Yuventus»da ishlashni davom ettirishini istashi haqida qayd etib o‘tdi.
Klub kelasi mavsum Chempionlar Ligasiga chiqa olmasligi mumkin. Oxirgi turda «Bolonya» mag‘lub etilishi va «Napoli» yoki «Milan»ning ochko yo‘qotishini kutish kerak bo‘ladi.
