«Ювентус» бош мураббийи Андреа Пирлонинг келажаги мавҳумлигича қолмоқда.
Турин клуби раҳбарияти италиялик мураббийнинг жамоада қолиши ёки кетиши ҳақида душанба куни қарор қабул қилади. «Ювентус»да Пирлога яна бир мавсум ишонч билдириш фикри ҳам йўқ эмас, аммо мутахассиснинг клубдаги келажаги сўроқ остида турибди.
Италия кубоги финалида зафар қучганидан кейин Пирло «Ювентус»да ишлашни давом эттиришини исташи ҳақида қайд этиб ўтди.
Клуб келаси мавсум Чемпионлар Лигасига чиқа олмаслиги мумкин. Охирги турда «Болонья» мағлуб этилиши ва «Наполи» ёки «Милан»нинг очко йўқотишини кутиш керак бўлади.
