Italiya chempionligiga erishganiga qaramay, “Inter” moliyaviy inqirozdan aziyat chekmoqda. Milanliklar vujudga kelgan vaziyatni bitta katta transfer bilan hal qilishi mumkin.

Jamoa bosh murabbiyi Antonio Konte g‘alabaga munosib hissa qo‘shgan hujumchilar – Lautaro Matines va Romelu Lukakuga qattiq ishonayotgani bois, klub rahbariyati 22 yoshli himoyachi Ashraf Hakimini sotib yuborishni rejalashtirmoqda.

Bundan “Real” unumli foydalanib qolmoqchi. Madridliklar marokashlik futbolchiga bir necha mavsum davomida jamoa tarkibidan joy bermadi va uni ijaraga jo‘natdi. O‘tgan yili “Inter” Hakimini “Real”dan  45 million yevroga sotib olgandi.

Hakimi joriy mavsumda jami 44 ta uchrashuv o‘tkazib, yettita gol urdi va o‘nta golli pas uzatdi. Unga PSJ ham jiddiy qiziqmoqda.