Avval xabar berganimizdek, 2024 yilgi Olimpiya o‘yinlariga yo‘llanma taqdim etadigan U-23 Osiyo kubogi bahslariga tayyorgarlik ko‘rish maqsadida 2001-2002 yillarda tug‘ilgan futbolchilardan iborat O‘zbekiston U-21 terma jamoasi tashkil etilgan edi.

Bosh murabbiy Timur Kapadze qo‘l ostidagi mazkur jamoa a’zolari 25-29 may kunlari Ukrainaning Kiyev shahrida o‘tadigan xalqaro turnirda ishtirok etadi.

Ushbu turnirga tayyorgarlik ko‘rish maqsadida O‘zbekiston U-21 terma jamoasi Toshkent shahrida o‘quv-mashg‘ulot yig‘inini boshladi. «JAR» stadionida o‘tayotgan mashg‘ulotlarga murabbiylar shtabi 23 nafar futbolchini jalb etdi.

Ma’lumot o‘rnida, O‘zbekiston U-21 terma jamoasi 26 may kuni Ukrainadagi turnirning yarim final uchrashuvida Tunis U-21 terma jamoasiga qarshi maydonga chiqadi.

Final va 3-o‘rin uchun bo‘lib o‘tadigan bahslar 28 may sanasida «Obolon-Arena» maydonida o‘tkaziladi.