Yurgen Klopp shogirdlari olayotgan jarohatlardan shikoyat qildi.

Uning fikriga ko‘ra, «Liverpul» joriy mavsum shunchaki omadsizlikka uchradi. Bunday inqiroz bilan har qanday klub ham chempionlik uchun kurash olib bormaydi.

«Futbol jamoasi orkestrga o‘xshaydi. Agar siz uning bir bo‘lagini yo‘qotib qo‘ysangiz, bir amallashingiz mumkin, ammo agar ikinchisini ham yo‘qotib qo‘ysangiz, unda bu ishingizni ancha qiyinlashtiradi.

Bu yil chempionlik uchun imkoniyatimiz bo‘lmadi. «Siti» ham uchta asosiy yarimhimoyachisi bo‘lmasa,  ligada g‘olib chiqa olmaydi.

Agar yakshanba kuni g‘alaba qozonsak, Chempionlar Ligasiga yo‘l olamiz. Biz qo‘limizdan kelganini qildik, hammasi shu», - deya xulosa qildi murabbiy.