«Real» bosh murabbiyi Zinedin Zidan yakunlanayotgan mavsumni baholadi.

«2017 yili chempionatni so‘nggi kuni yutgandik. Aynan shunday holat La Ligani va futbolni chiroyli qiladi. Mavsum yaxshi o‘tdi. Asosiysi, bor kuchimizni berishimiz kerak edi va buni bajardik – ham futbolchilar, ham jamoada ishlaydiganlarning barchasi.

10dan 10 yoki 9,5 ballga ega bo‘lishimizni bilib olamiz. 3 ochkoni qo‘lga kiritishimizga ishonamiz. Futbolchilarim har doim qo‘llaridan kelgancha harakat qilishgan. Boshidan oxirigacha jarohatlar, koronavirus bilan…

O‘zimni juda ko‘p tanqid qilaman. G‘olibman. Ba’zida hech narsa meni bezovta qilmayotgandek tuyulsa ham, yutqazishni yomon ko‘raman. G‘alaba qozonish uchun hamma narsani beraman va bu – «Real»ning DNKsi. Futbolchilar g‘alabani xohlashadi va qiyinchiliklarga qaramay, har doim borlarini berishadi», – deya Zidanning so‘zlarini keltiradi klub rasmiy sayti.