Futzal bo‘yicha O‘zbekiston terma jamoasi Venesuela bilan o‘rtoqlik uchrashuvi o‘tkazadi. Bu haqida O‘FA matbuot xizmati xabar bermoqda.

Xabaringiz bor shu yili futzalchilarimiz Litvada o‘tadigan Jahon chempionatida ishtirok etishadi. Tayyorgarlik doirasida bir qancha yig‘inlar o‘tkazish rejalashtirilgan. Ulardan biri iyun oyi oxirida Toshkent shahrida tashkil etiladi.

Poytaxtimizda Jahon chempionati ishtirokchisi va Janubiy Amerikaning eng kuchli terma jamoalaridan biri Venesuela tashrif buyuradi. O‘FA bilan kelishuvga ko‘ra, Venesuela terma jamoasi Toshkentdagi yig‘inlari doirasida 25-28 iyun kunlari O‘zbekiston terma jamoasi bilan ikkita o‘rtoqlik uchrashuvi o‘tkazadi. O‘yinlar «Yunusobod» sport majmuasida bo‘lib o‘tishi rejalashtirilgan.