Футзал бўйича Ўзбекистон терма жамоаси Венесуэла билан ўртоқлик учрашуви ўтказади. Бу ҳақида ЎФА матбуот хизмати хабар бермоқда.

Хабарингиз бор шу йили футзалчиларимиз Литвада ўтадиган Жаҳон чемпионатида иштирок этишади. Тайёргарлик доирасида бир қанча йиғинлар ўтказиш режалаштирилган. Улардан бири июнь ойи охирида Тошкент шаҳрида ташкил этилади.

Пойтахтимизда Жаҳон чемпионати иштирокчиси ва Жанубий Американинг энг кучли терма жамоаларидан бири Венесуэла ташриф буюради. ЎФА билан келишувга кўра, Венесуэла терма жамоаси Тошкентдаги йиғинлари доирасида 25-28 июнь кунлари Ўзбекистон терма жамоаси билан иккита ўртоқлик учрашуви ўтказади. Ўйинлар «Юнусобод» спорт мажмуасида бўлиб ўтиши режалаштирилган.