La Gazette dello Sport xabariga ko‘ra, yarimhimoyachi Genrix Mxitaryan iyul oyida shartnomasi tugashi sababli «Roma»ni tark etishi mumkin.

Futbolchi oilaviy sabablarga ko‘ra Rimda qolishni istaydi, ammo u sport bilan ham, moliyaviy tomondan ham o‘z ambisiyalariga ega. U Chempionlar Ligasida o‘ynashni xohlaydi va 3 million yevro miqdoridagi maosh bilan 2+1 ko‘rinishidagi shartnoma imzolash niyatida.

Ma’lum bo‘lishicha, 32 yoshli armanga Italiya klublari va «Monako» qiziqish bildirmoqda. Shuningdek, futbolchiga Rossiyadan taklif bor.

Mxitaran yaqin kunlarda kelajagi to‘g‘risida qaror qabul qiladi.