La Gazette dello Sport хабарига кўра, яримҳимоячи Генрих Мхитарян июль ойида шартномаси тугаши сабабли «Рома»ни тарк этиши мумкин.

Футболчи оилавий сабабларга кўра Римда қолишни истайди, аммо у спорт билан ҳам, молиявий томондан ҳам ўз амбицияларига эга. У Чемпионлар Лигасида ўйнашни хоҳлайди ва 3 миллион евро миқдоридаги маош билан 2+1 кўринишидаги шартнома имзолаш ниятида.

Маълум бўлишича, 32 ёшли арманга Италия клублари ва «Монако» қизиқиш билдирмоқда. Шунингдек, футболчига Россиядан таклиф бор.

Мхитаран яқин кунларда келажаги тўғрисида қарор қабул қилади.