«Manchester Yunayted» bosh murabbiyi Ole-Gunnar Sulsher Yevropa Ligasi finalidan o‘rin olgan «Vilyarreal»ga qarshi o‘yindan nimalar kutayotganini aytdi.
«Qanday holatda bo‘lmasin, futbolchilarga ishonaman. Ular tayyor va bu – asosiy jihat.
Yigitlarning o‘sayotganini, muvaffaqiyatsizliklardan so‘ng chidamli bo‘lishganini ko‘rdim. Ishonamanki, jamoa hozir tayyor. G‘alaba qozonishni rejalashtirganmiz, shunga umid qilamiz. Ammo aminmanki, Emeri va uning jamoasida ham shunday hissiyotlar bor.
Finalda hamma narsa bo‘lishi mumkin – 1-daqiqada gol o‘tkazib yuborishingiz mumkin, jarohat bo‘lishi yoki kimdir chetlatilishi mumkin. Hamma narsaga tayyor bo‘lishimiz kerak», – deya Sulsherning so‘zlarini keltiradi klub rasmiy sayti.
«Vilyarreal» – «MYU» bahsi bugun, 26 may kuni bo‘lib o‘tadi. Bellashuv Toshkent vaqti bilan 00:00da boshlanadi.
