«Манчестер Юнайтед» бош мураббийи Оле-Гуннар Сульшер Европа Лигаси финалидан ўрин олган «Вильярреал»га қарши ўйиндан нималар кутаётганини айтди.

«Қандай ҳолатда бўлмасин, футболчиларга ишонаман. Улар тайёр ва бу – асосий жиҳат.

Йигитларнинг ўсаётганини, муваффақиятсизликлардан сўнг чидамли бўлишганини кўрдим. Ишонаманки, жамоа ҳозир тайёр. Ғалаба қозонишни режалаштирганмиз, шунга умид қиламиз. Аммо аминманки, Эмери ва унинг жамоасида ҳам шундай ҳиссиётлар бор. 

Финалда ҳамма нарса бўлиши мумкин – 1-дақиқада гол ўтказиб юборишингиз мумкин, жароҳат бўлиши ёки кимдир четлатилиши мумкин. Ҳамма нарсага тайёр бўлишимиз керак», – дея Сульшернинг сўзларини келтиради клуб расмий сайти.    

«Вильярреал» – «МЮ» баҳси бугун, 26 май куни бўлиб ўтади. Беллашув Тошкент вақти билан 00:00да бошланади.