«Manchester Yunayted» hujumchisi Markus Reshford ijtimoiy tarmoqlarda yana irqchilik qurboniga aylandi. Bu haqda «qizil iblislar» forvardi o‘zining Tvitter sahifasida aytib o‘tdi.

«EL finalidan so‘ng, menga kamida 70 ta irqiy motivasiya bilan haqorat qilingan xabar keldi. Bitta foydalanuvchi menga bir necha marotaba maymun aks etgan emojilarini yubordi va qizig‘i, u matematika o‘qituvchisi.

Bu odam bolalarga dars beradi, ammo shu bilan birga u birovni irqiy asosda xotirjamlik bilan haqorat qilishi ham mumkin. Qanday adolatsizlik!", deb yozadi Reshford.