«Manchester Yunayted» rahbariyati bosh murabbiy Ole-Gunnar Sulsher bilan shartnomani uzaytirmoqchi. The Telegraph nashri xabariga ko‘ra, jamoa bu mavsum birorta sovrin yutmagan bo‘lsada, vise-prezident Ed Vudvord norvegiyalik mutaxassis bilan uch yillik yangi bitim tuzishga tayyor.
Shuningdek, rahbariyat murabbiyga yozda to‘rt transfer amalga oshirilishini va’da qilmoqda. Bularning orasida «Borussiya Dortmund» vakili Jeydon Sancho ham bor. Bundan tashqari bir nafardan himoyachi, yosh markaziy yarim himoyachi va forvard xarid qilinishi mumkin.
Ma’lumot o‘rnida, «MYU» joriy mavsum APLda 2-o‘rinni band yetgan bo‘lsa, Yevropa ligasida finalga qadar yetib borib, hal qiluvchi bahsda «Vilyarreal»ga penaltilar seriyasida imkoniyatni boy berdi.
