«Inter» hujumchisi Romelu Lukaku «Chelsi»ga qaytishi mumkin.
The Sun xabariga ko‘ra, klub egasi Roman Abramovich belgiyalik futbolchining transferi bo‘yicha tashabbus ko‘rsatgan. Lukakuni sotib olish uchun «ko‘klar» Kepa Arrisabalaga, Kalum Xadson-Odoi, Ross Barkli, Ruben Loftus-CHik va Temmi Avraxam bilan xayrlashishga tayyor.
Shuningdek, Lukaku Antonio Kontening ketganidan keyin «Inter»ni tark etishga tayyorligi ta’kidlangan. Bundan tashqari, «neradzurrilar» bir nechta asosiy o‘yinchilarni sotmoqchi.
Lukaku ushbu mavsumda 44 ta o‘yinda 30 ta gol va 11 ta golli pas berdi.
