«Интер» ҳужумчиси Ромелу Лукаку «Челси»га қайтиши мумкин.
The Sun хабарига кўра, клуб эгаси Роман Абрамович бельгиялик футболчининг трансфери бўйича ташаббус кўрсатган. Лукакуни сотиб олиш учун «кўклар» Кепа Аррисабалага, Калум Хадсон-Одои, Росс Баркли, Рубен Лофтус-Чик ва Тэмми Аврахам билан хайрлашишга тайёр.
Шунингдек, Лукаку Антонио Контенинг кетганидан кейин «Интер»ни тарк этишга тайёрлиги таъкидланган. Бундан ташқари, «нерадзуррилар» бир нечта асосий ўйинчиларни сотмоқчи.
Лукаку ушбу мавсумда 44 та ўйинда 30 та гол ва 11 та голли пас берди.
