O‘zbekiston Professional futbol ligasi odatga ko‘ra, har oy Coca-Cola Superliganing eng yaxshi murabbiyi va futbolchisi, shuningdek, eng chiroyli golini aniqlab kelmoqda. Ortda qolayotgan may oyida Superligada 3 ta tur uchrashuvlari bo‘lib o‘tdi. Mazkur bellashuvlar davomida ko‘plab futbolchi va murabbiylar o‘zlarini ko‘rsatishga erishdi.

May oyining eng yaxshi murabbiyi bo‘lish uchun nomzodlar

Piter Xyuistra (“Paxtakor”) – 3 ta o‘yin, 2 g‘alaba, 1 durang

Ulug‘bek Baqoyev (“So‘g‘diyona”) – 3 o‘yin, 3 g‘alaba

Viktor Jalilov (“Navbahor”) – 3 o‘yin, 1 g‘alaba, 2 durang.

May oyining eng yaxshi futbolchisi bo‘lish uchun nomzodlar

 Shoxruz Norxonov (“So‘g‘diyona”) – 3 o‘yin, 1 gol, 2 assist

Dragan Cheran (“Paxtakor”) – 3 o‘yin, 3 gol

Temurxo‘ja Abduholiqov (“Lokomotiv”) – 3 o‘yin, 3 gol, 1 assist

Sanjar Tursunov (AGMK) – 3 o‘yin, 2 gol, 1 assist

Javohir Qaxramonov (“So‘g‘diyona”) – 3 o‘yin, 3 gol

O‘tkir Yusupov (“Navbahor”) – 3 o‘yin, 2 quruq o‘yin, 5 seyv.

May oyining eng chiroyli goliga nomzodlar

Shohruz Norxonov (“So‘g‘diyona” – “Andijon” uchrashuvida)

Diyor Turopov (“Lokomotiv” – “Metallurg”)

Shohruh Gadoyev (“Turon” – AGMK)

Muhammadanas Hasanov (“Andijon” – “Qo‘qon-1912”)

Sardor Abduraimov (“Mash’al” – AGMK)

Ivan Solovyov (“Navbahor” – “Surxon”)

Javohir Qaxramonov (“Qo‘qon-1912” – “So‘g‘diyona” uchrashuvidagi birinchi goli).

Eslatib o‘tamiz, ovoz berish jarayonida Koka-Kola Superliga klublari bosh murabbiylari va sardorlari hamda muxlislar ishtirok etishadi. Koka-Kola Superliganing 14 klubi bosh murabbiylari hamda sardorlari ko‘rsatilgan nomzodlarni uchtalikka joylashtirib chiqadi. Dastlabki o‘rinda ko‘rsatilgan nomzod 3, mos ravishda keyingi ikki o‘rindagilar 2 va 1 ochkolik bo‘ladi. O‘zPFL tomonidan futbol muxlislari o‘rtasida o‘tkazilgan so‘rovnoma natijasi esa murabbiy va sardorlar o‘rtasida o‘tkazilgan so‘rovnoma natijalariga qo‘shiladi. Bunda muxlislar ovozi katta ahamiyatga ega bo‘lib, birinchi o‘rinni egallagan nomzod 6, mos ravishda keyingilar 4 va 2 ochkodan qo‘lga kiritadi. Yakunda eng ko‘p ball to‘plaganlar oyning eng yaxshilari sifatida e’tirof etiladi. Mazkur havola orqali may oyining eng yaxshilarini aniqlash jarayonida ishtirok etish imkoniyatiga egasiz.