Ўзбекистон Профессионал футбол лигаси одатга кўра, ҳар ой Coca-Cola Суперлиганинг энг яхши мураббийи ва футболчиси, шунингдек, энг чиройли голини аниқлаб келмоқда. Ортда қолаётган май ойида Суперлигада 3 та тур учрашувлари бўлиб ўтди. Мазкур беллашувлар давомида кўплаб футболчи ва мураббийлар ўзларини кўрсатишга эришди.

Май ойининг энг яхши мураббийи бўлиш учун номзодлар

Питер Хюистра (“Пахтакор”) – 3 та ўйин, 2 ғалаба, 1 дуранг

Улуғбек Бақоев (“Сўғдиёна”) – 3 ўйин, 3 ғалаба

Виктор Жалилов (“Навбаҳор”) – 3 ўйин, 1 ғалаба, 2 дуранг.

Май ойининг энг яхши футболчиси бўлиш учун номзодлар

 Шохруз Норхонов (“Сўғдиёна”) – 3 ўйин, 1 гол, 2 ассист

Драган Черан (“Пахтакор”) – 3 ўйин, 3 гол

Темурхўжа Абдуҳолиқов (“Локомотив”) – 3 ўйин, 3 гол, 1 ассист

Санжар Турсунов (АГМК) – 3 ўйин, 2 гол, 1 ассист

Жавоҳир Қахрамонов (“Сўғдиёна”) – 3 ўйин, 3 гол

Ўткир Юсупов (“Навбаҳор”) – 3 ўйин, 2 қуруқ ўйин, 5 сейв.

Май ойининг энг чиройли голига номзодлар

Шоҳруз Норхонов (“Сўғдиёна” – “Андижон” учрашувида)

Диёр Туропов (“Локомотив” – “Металлург”)

Шоҳруҳ Гадоев (“Турон” – АГМК)

Муҳаммаданас Ҳасанов (“Андижон” – “Қўқон-1912”)

Сардор Абдураимов (“Машъал” – АГМК)

Иван Соловёв (“Навбаҳор” – “Сурхон”)

Жавоҳир Қахрамонов (“Қўқон-1912” – “Сўғдиёна” учрашувидаги биринчи голи).

Эслатиб ўтамиз, овоз бериш жараёнида Кока-Кола Суперлига клублари бош мураббийлари ва сардорлари ҳамда мухлислар иштирок этишади. Кока-Кола Суперлиганинг 14 клуби бош мураббийлари ҳамда сардорлари кўрсатилган номзодларни учталикка жойлаштириб чиқади. Дастлабки ўринда кўрсатилган номзод 3, мос равишда кейинги икки ўриндагилар 2 ва 1 очколик бўлади. ЎзПФЛ томонидан футбол мухлислари ўртасида ўтказилган сўровнома натижаси эса мураббий ва сардорлар ўртасида ўтказилган сўровнома натижаларига қўшилади. Бунда мухлислар овози катта аҳамиятга эга бўлиб, биринчи ўринни эгаллаган номзод 6, мос равишда кейингилар 4 ва 2 очкодан қўлга киритади. Якунда энг кўп балл тўплаганлар ойнинг энг яхшилари сифатида эътироф этилади. Мазкур ҳавола орқали май ойининг энг яхшиларини аниқлаш жараёнида иштирок этиш имкониятига эгасиз.