«Everton» yarimhimoyachisi Xames Rodriges Amerika Kubogi uchun Kolumbiya milliy jamoasiga chaqirilmagach, o‘z fikrlarini bildirib o‘tdi.

«Tiklanishning so‘nggi bosqichidaman. Mashg‘ulotlarga qaytish uchun yetarlicha vaqt sarfladim. Yig‘inning yettinchi kunida jamoaga qo‘shilishga va Amerika Kubogida qatnashishga tayyor bo‘lardim. 

Meni chaqirishmagani va tezroq sog‘ayib ketishimni tilashgani haqidagi xabarlarni o‘qib, hayron qoldim. Deyarli tiklanib bo‘lgandim.

Juda ham xafa bo‘ldim, chunki Vatanim uchun o‘ynash katta ahamiyatga ega. Murabbiylar shtabining menga ishonmagani ko‘nglimga og‘ir botdi, chunki har doim Kolumbiya uchun jonimni berishga tayyor bo‘lganman.   

Jamoaga eng yaxshi tilaklarni tilayman. Sizlarni har doimgidek ishtiyoq bilan qo‘llab-quvvatlayman», – deb yozadi futbolchi «tvitter»dagi sahifasida.