«Эвертон» яримҳимоячиси Хамес Родригес Америка Кубоги учун Колумбия миллий жамоасига чақирилмагач, ўз фикрларини билдириб ўтди.
«Тикланишнинг сўнгги босқичидаман. Машғулотларга қайтиш учун етарлича вақт сарфладим. Йиғиннинг еттинчи кунида жамоага қўшилишга ва Америка Кубогида қатнашишга тайёр бўлардим.
Мени чақиришмагани ва тезроқ соғайиб кетишимни тилашгани ҳақидаги хабарларни ўқиб, ҳайрон қолдим. Деярли тикланиб бўлгандим.
Жуда ҳам хафа бўлдим, чунки Ватаним учун ўйнаш катта аҳамиятга эга. Мураббийлар штабининг менга ишонмагани кўнглимга оғир ботди, чунки ҳар доим Колумбия учун жонимни беришга тайёр бўлганман.
Жамоага энг яхши тилакларни тилайман. Сизларни ҳар доимгидек иштиёқ билан қўллаб-қувватлайман», – деб ёзади футболчи «твиттер»даги саҳифасида.
