«Udineze» yarim himoyachisi Rodrigo de Paul faoliyatini La Ligada davom ettirishi mumkin.

Insayder Fabrizio Romanoning xabariga ko‘ra, «Atletiko» de Paul bilan shartnoma imzolash maqsadida muzokaralarga kirishgan. Ko‘plab klublar argentinalik uchun kurashmoqda.

Madridliklar Rodrigo uchun 20 mln yevro va Nehuen Peresni berishni taklif qilgan.

«Udineze» de Paulni 40 mln yevro atrofidagi summaga sotishni istamoqda.

27 yoshli xavbek joriy mavsum Italiya chempionatida 36 o‘yinda maydonga tushib 9 ta gol va 9 ta assist muallifiga aylandi.