“Tottenxem” yozda jamoani tark etishga yaqin turgan Harri Keyn transferidan keladigan mablag‘ni qanday sarflash bo‘yicha bir qarorga keldi.
Londonliklar yakunlangan mavsumda PSJni ortda qoldirib, Fransiya chempioni bo‘lgan “Lill”ning uch nafar yetakchisini olib kelmoqchi.
“Tottenxem” rahbariyati Keyn ketadigan bo‘lsa uning o‘rniga “Lill” hujumchisi Jonatan Devidni taklif qiladi. 21 yoshli kanadalik forvard Fransiya chempionatidagi dastlabki mavsumida 13 ta gol urdi. Uning transferi 40-50 million yevroni tashkil qilmoqda.
Shuningdek, “Lill” vakillaridan Zeki Chelik “Tottenxem”dan ketishi kerak bo‘lgan Serj Oryening, Sven Botman esa Tobi Alderveyreldning o‘rnini egallashi kutilmoqda. Bu futbolchilarning har biri 40 million yevroga baholanmoqda.
