Kataloniya klubining maqsadi - himoya markaziga ikkita futbolchini sotib olish. Ulardan biri, allaqachon bilganimizdek, "Manchester Siti"dan "Barselona"ga erkin agent sifatida o‘tadigan Erik Garsiya bo‘ladi.
Dastlab klub Garsiyaning transferi yetarli bo‘ladi deb o‘ylagan edi, ammo hozirda "Barsa" rahbarlarining fikri o‘zgargan.
Marca nashrining xabariga ko‘ra, "Yuventus" futbolchisi Matteys De Ligt "Barselona"ning markaziy himoyachi pozisiyasidagi asosiy maqsadi hisoblanadi. Ammo, Italiya klubi u uchun katta miqdordagi mablag‘ni so‘rashini inobatga olgan holda, u bilan kelishuv deyarli imkonsiz bo‘lib tuyulmoqda.
De Ligtdan tashqari, kataloniya klubini "Vilyarreal" himoyachisi Pau Torres ham jalb qilmoqda. Ular futbolchini anchadan buyon kuzatib kelmoqda. Bunday vaziyatda pul ham muammoga aylanishi mumkin. Torres mavsumni muvaffaqiyatli o‘tkazdi va uning bozor qiymati sezilarli darajada oshdi.
