Каталония клубининг мақсади - ҳимоя марказига иккита футболчини сотиб олиш. Улардан бири, аллақачон билганимиздек, "Манчестер Сити"дан "Барселона"га эркин агент сифатида ўтадиган Эрик Гарсия бўлади.
Дастлаб клуб Гарсиянинг трансфери етарли бўлади деб ўйлаган эди, аммо ҳозирда "Барса" раҳбарларининг фикри ўзгарган.
Marca нашрининг хабарига кўра, "Ювентус" футболчиси Маттейс Де Лигт "Барселона"нинг марказий ҳимоячи позициясидаги асосий мақсади ҳисобланади. Аммо, Италия клуби у учун катта миқдордаги маблағни сўрашини инобатга олган ҳолда, у билан келишув деярли имконсиз бўлиб туюлмоқда.
Де Лигтдан ташқари, каталония клубини "Вильярреал" ҳимоячиси Пау Торрес ҳам жалб қилмоқда. Улар футболчини анчадан буён кузатиб келмоқда. Бундай вазиятда пул ҳам муаммога айланиши мумкин. Торрес мавсумни муваффақиятли ўтказди ва унинг бозор қиймати сезиларли даражада ошди.
