Birlashgan Arab Amirliklarining Dubay shahrida bo‘lib o‘tayotgan boks bo‘yicha Osiyo chempionatida bugun qizlar o‘rtasida final janglari o‘tkazildi. Unda 6 nafar o‘zbekistonlik qizlar ringga ko‘tarilishdi.
Vatandoshlarimiz orasida faqat Sitora Turdibekova (57 kg.) qozog‘istonlik raqibini mag‘lub etib, qit’a chempionligini qo‘lga kiritdi. Qolgan 5 nafar qizlarimiz esa finalda imkoniyatni boy berib, kumush medal bilan cheklanishdi.
-48 kg: Gulasal Sultonaliyeva - Alua Balkibekova (Qozog‘iston) - 2:3
-54 kg: Sitora Shogdarova - Dina Jolman (Qozog‘iston) - 2:3
-57 kg: Sitora Turdibekova - Vladislava Kuxta (Qozog‘iston) - 5:0
-69 kg: Navbahor Hamidova - Valentina Kaljova (Qozog‘iston) - 0:5
-75 kg: Mavluda Mavlonova - Pura Rani (Hindiston) - 0:5
-81 kg: Sohiba Ro‘zmetova - Fariza Sholtay (Qozog‘iston) - 0:5
O‘zbekiston ayollar terma jamoasi medallar bo‘yicha umumjamoa hisobida 1ta oltin, 5ta kumush va 2ta bronza bilan ikkinchi pog‘onani egalladi. Bu borada Qozog‘iston terma jamoasiga birinchi o‘rin nasib etdi.
1. Qozog‘iston — 8-1-1
2. O‘zbekiston — 1-5-2
3. Hindiston — 1-3-6
4. Indoneziya — 0-1-0
5. Mo‘g‘uliston — 0-0-3
6. Tojikiston — 0-0-2
7. Filippin — 0-0-1
8. Shri-Lanka — 0-0-1
9. Kuvayt — 0-0-1
10. BAA — 0-0-1.
Ertaga erkaklar o‘rtasidagi musobaqaning final janglari o‘tkaziladi.
