Бирлашган Араб Амирликларининг Дубай шаҳрида бўлиб ўтаётган бокс бўйича Осиё чемпионатида бугун қизлар ўртасида финал жанглари ўтказилди. Унда 6 нафар ўзбекистонлик қизлар рингга кўтарилишди.
Ватандошларимиз орасида фақат Ситора Турдибекова (57 кг.) қозоғистонлик рақибини мағлуб этиб, қитъа чемпионлигини қўлга киритди. Қолган 5 нафар қизларимиз эса финалда имкониятни бой бериб, кумуш медаль билан чекланишди.
-48 кг: Гуласал Султоналиева - Алуа Балкибекова (Қозоғистон) - 2:3
-54 кг: Ситора Шогдарова - Дина Жолман (Қозоғистон) - 2:3
-57 кг: Ситора Турдибекова - Владислава Кухта (Қозоғистон) - 5:0
-69 кг: Навбаҳор Ҳамидова - Валентина Калжова (Қозоғистон) - 0:5
-75 кг: Мавлуда Мавлонова - Пура Рани (Ҳиндистон) - 0:5
-81 кг: Соҳиба Рўзметова - Фариза Шолтай (Қозоғистон) - 0:5
Ўзбекистон аёллар терма жамоаси медаллар бўйича умумжамоа ҳисобида 1та олтин, 5та кумуш ва 2та бронза билан иккинчи поғонани эгаллади. Бу борада Қозоғистон терма жамоасига биринчи ўрин насиб этди.
1. Қозоғистон — 8-1-1
2. Ўзбекистон — 1-5-2
3. Ҳиндистон — 1-3-6
4. Индонезия — 0-1-0
5. Мўғулистон — 0-0-3
6. Тожикистон — 0-0-2
7. Филиппин — 0-0-1
8. Шри-Ланка — 0-0-1
9. Кувайт — 0-0-1
10. БАА — 0-0-1.
Эртага эркаклар ўртасидаги мусобақанинг финал жанглари ўтказилади.
