«Real Madrid» bosh murabbiy izlashni davom ettirmoqda.

As xabariga ko‘ra, hozirda PSJ bosh murabbiyi Maurisio Pochettino madridliklar uchun asosiy variant bo‘lib qolmoqda.

Ispaniya jamoasi rahbariyati argentinalikni taklif qilish uchun allaqachon bir qator choralarni ko‘rgan, ammo hujumchi Kilian Mbappening transferidan oldin parijliklar bilan munosabatlarni buzmaslik uchun muzokaralarni rasmiy darajaga o‘tkazishni istamayapti. Madridning «Real» klubi Pochettinoning o‘zi PSJdan ketishini xohlamoqda.

Shu bilan birga, «Tottenxem» 49 yoshli mutaxassisni qaytarishni xohlayotgani va bu ham «qaymoqranglilar» ga to‘siq bo‘lib qolishi mumkinligi qayd etilgan.

Agar Pochettino bilan kelishuv amalga oshmasa, «Real» hozirda «Kastilya»da ishlayotgan Raulni bosh murabbiy lavozimiga taklif qiladi.

«Real» tomonidan asosiy nomzodlardan biri sifatida ko‘rilgan «Inter» ning sobiq bosh murabbiyi Antonio Konte varianti o‘z ahamiyatini yo‘qotdi, endi uning tayinlanishi endi ehtimoldan yiroq, ammo istisno etilmaydi.